Proxecto Meteoescola 2014-2015.

 Un curso máis, o noso colexio segue co Proxecto Meteoescola, impregnando a vida escolar.

 O alumnado de 3º e 4º de primaria diariamente recolle, nos seus calendarios de aula, a temperatura que marca a termómetro en dous momentos da mañá (a primeira hora e despois do recreo), así coma o estado do ceo.

O alumnado de 4º posteriormente elabora unhas gráficas con esta información e o alumnado de 3º pásalla ao de 6º para que as elaboren no ordenador. Tamén controlamos u pluviómetro para levar conta da cantidade de chuvia.

 Cos refráns meteorolóxicos que tiñamos escolmados dos cursos pasados, elaboramos o xogo “Meteo-refráns”. Nel, cada participante ten que dicir un refrán relacionado co tempo meteorolóxico ou os meses e despois debe explicar o seu significado.



E relacionado co anterior, na Semana das Letras Galegas, cada curso de Infantil e Primaria ilustrou un refrán meteorolóxico para colocar na porta da aula (as meteoportas) e facer despois unha exposición con todos eles.







Pero ata no Antroido mandou este proxecto, xa que
o tema elexido para disfrazarnos foi a Meteoroloxía e o cambio climático; nós fomos de tronada e chubascada.

Postais

Obradoiro de portadas .

 Fixemos este obradoiro para preparar as nosas portadas.
 Con elas participamos no II Certame de portadas de libros en galego que organiza a nosa biblioteca.
 Así quedaron.

Jota de Calvos.

Para cantar!

Ciencia en ruta- O Sistema Solar.

 Nesta sesión de Ciencia en ruta traballamos a representación e interpretación espaciais e a capacidade de abstracción para comprender as inmensas distancias do Universo.

 Coa representación multimedia e uns planetas a escala, xogamos e profundizamos no estudo do noso Sistema Solar.
 Falamos de cousas que xa sabíamos, pero aprendimos moito sobre as proporcións, distancias, planetas enanos, asteroides , duración da rotación e traslación dos planetas e moitas cousas máis.

,

Día do Libro.

Esta semana tivemos dúas celebracións: o 22 o Día da Terra e o 23 o Día do Libro.
 Fixemos un obradoiro de ilustración de portadas de contos, preparamos mini libros para cada ocasión, fixemos plantacións de sementes e esqueixes,...




Unha chea de traballos!

Os faraóns.

Con este video aprenderemos moitas cousas do antigo Exipto.

Os castros.

Estudiando a nosa historia: a vida nos castros.

Visita de Sogama ao noso cole.

 Dentro da campaña de información e concienciación para a mellora da recollida selectiva e a reciclaxe, dous monitores de SOGAMA visitaron o noso cole, para pasar un rato con cada curso, recordándonos a importancia dos tres R: Reducir, Reutilizar e Reciclar.

 Lembráronnos as cores dos colectores e o que debemos botar en cada un, o que se fai co que depositamos neles, etc.
Moitas cousas xa as sabíamos, pero non está de máis lembralas.
Tamén nos repartiron uns agasallos ao remetar.

A familia Trebón.

A familia Trebón disfruta da chegada da primavera.

Música, por favor.

The Hoffnung Music Academy, simpático video de animación dos 60, baseado en cómics de Gerard Hoffnung. Sonata para piano nº 16 de Wolfgang Amadeus Mozart. Para disfrutar!

METEO-REFRÁNS

Este é o xogo dos refráns meteorolóxicos que preparamos para Meteoescolas.

Que ben quedou!
 Grazas á profe Conchi que fixo esta estupenda montaxe.

Paseo pola vila.

Ares é un pequeno concello de A Coruña cunha poboación aproximada de 5.800 habitantes.

 Aproveitamos este paseo pola nosa vila para coñecer varios edificios municipais e os servizos que alí se prestan: Concello, Xulgado, Biblioteca, Mercado, Casa da Mocidade,...
 Recorrendo as nosas rúas, falamos da nosa historia, edificios singulares, os distintos barrios, etc.

 Seguiremos ampliando o coñecemento da vila con máis saídas.

Eclipse parcial de Sol.

Este venres, dende as 9 ata as 11,aproximadamente, veremos no ceo un eclipse de Sol, que só será total nunhas illas do Ártico.
 En Ares veremos coma o Sol é tapado case todo pola Lúa.
 No mapa de arriba podemos ver como se observará dende distintos lugares.
Lembrade que non podemos observalo sen a protección axeitada; mellor miralo na tele.
 

Acenos

 Traballando os acenos e distintas exprexións do rostro: enfado, abraio, felicidade,...

Xornais, papel charón e rotuladores.

O ovo saltarín.

 En C Naturais estamos estudiando os cambios na materia e vimos o experimento do ovo saltarín.

 Probamos a facelo na casa e resulta sorprendente como cambiou.
 Bota e bota.
Pero coidado, porque pode romper.

 Neste vídeo podedes seguir os pasos para facelo.

 

 Nestrouto explícannos os cambios de estado da auga.

 

Día de Rosalía.

 Co poema "Sin niño" de Rosalía, que aprendimos e traballamos, a profe Yoli preparounos esta estupenda montaxe.

Hoxe na biblioteca estivemos véndoa e comentándoa.

 

E estoutra dos compañeiros de 1º de ESO parécenos fabulosa!!

Pola integración!

Membros da Federación de asociacións de persoas xordas, estiveron hoxe con nós para mostrarnos o día a día dunha persoa xorda e as distintas accións que podemos utilizar para facilitar a súa integración. Practicamos o alfabeto dactilóxico, algunhas palabras e saúdos,... Tamén vimos a peli "O soño de Pedro" que nos fala da destrucción de barreiras para facilitar a integración.

Antroido 2015.

E chegou a festa do Antroido. Este ano o tema era o tempo atmosférico.Nós iamos de treboada con lóstregos e nubarróns e os compañeiros de 4º de chuviscada con nubes, pingas,etc.
 Aínda así, o tempo non nos acompañou, pero fixémoslle caso ao refrán e puxémoslle boa cara.
  Vestímonos, desfilamos no patio cuberto, posamos para "centos" de fotógraf@s, degustamos postres típicos da festa, xogamos,...

Felices días de Antroido!!!

3º mandado.

3º mandado - Kizoa Movie Maker

Para hoxe o Antroido mandounos vir con algo amarelo, para chamar ao Sol e que mañá nos acompañe.


 

Iguais, pero diferentes.

 Traballando o retrato con ceras Manley sobre papel.


 

Mandados

Estamos, estes días, moi ocupados rematando os disfraces do Antroido e cumprindo os seus mandados.
Onte tivemos que vir vestidos coas cores do arco da vella, e hoxe tocounos pintar na cara nubes, lóstregos,etc.

Froitas

 Despois da 1º semana da froita, e coma en Naturais estamos estudiando os alimentos, sentímonos moi motivados para facer estas froitas.


.

Día escolar da Paz.

Hoxe , 30 de xaneiro, é o Día escolar da Paz e para celebralo traballamos o poema de Rosalía de Castro "Sin niño" que fala dunha pobre pomba que quedou sen nada e que ten problemas para alimentar ás crías.

Esto é algo que neste momento moitas familias están vivindo e que é un xeito de violencia.

 Aprendimos as súas estrofas, comparámolo co galego actual, e fixemos un gran mural.

 Tamén viñeron os compañeiros de 1º de ESO para reflexionar con nós sobre esta celebración, lernos un poema e tamén agasallarnos cunha pegatina.

Historia do quinteto triste e da bruxa Anónima.

Hoxe disfrutamos deste concerto noPazo da Ópera en A Coruña.

O quinteto de vento-metal Hércules Brass e a Sinfónica de Galicia coa participación da actriz e escritora Paula Carballeira crean este marabilloso conto musical.

 A bruxa Anónima coñece ao quinteto triste e a través dunha viaxe por Europa e por distintas pezas musicais, irán aprendendo a superar os seus medos.

As pezas que escoitamos foron:
Tritsch tratschpolka de J Stauss.
Habaneira de G. Bizet.
 Can-can de Offenbach
Suspiros de España de A. Álvarez
 Danza húngara 5de J. Brahms
Libertango de A. Piazollo

Edward Hopper.

Esta semana coñecemos ao pintor estadounidense Edward Hopper.

Gustáronnos moito as súas obras, os seus ambientes e personaxes tan solitarios, as súas cores, paisaxes, etc.

Tengo el corazón contento.

Versión moderna dun éxito da cantante Marisol, que versionaba "Corazón contento" do arxentino Palito Ortega, no 1968.

Festival de Nadal.

Bravoooo!!