Contos de lobo.

Onte no Casino, Teatro dos Ghazafellos puxeron en escea para Infantil, 1º, 2º 3º e 4º "Contos de lobos": Os tres porquiños, Carapuchiña e Os sete Cabuxos nunha versión moi ghazafellana. Cantas risas botamos!

Jim e a illa do tesouro.

teatro - Kizoa Movie Maker

Onte, no auditorio de Narón, asistimos 1º, 2º, 2º e 4º de Primaria, á representación desta obra polo grupo EME2.
A máis clásica das obras de piratas (de R.L.Stevenson), adaptada para o teatro de monicreques.

 Estivemos moi atentos e ao remate aplaudimos con moito entusiasmo, porque nos gustou moito!

 

"Acuario" de Teatro dos Ghazafellos.

O pasado venres, fomos ao casino para asistir á representación de Acuario, o poemario de María Canosa, representado por Teatro dos Ghazafellos.

 Coma sempre, un placer ver unha das súas actuacións.

 

Alegría, palabra de Gloria Fuertes.

No Pazo da Cultura de Narón, o alumnado de 1º a 4º de Primaria do cole, disfrutamos desta estupenda representación, galardoada no 2013 co premio Max de Teatro ao mellor espectáculo infantil.

 Dona Pito Piturra e o Sr. Antropelli, traballadores do antigo Circo Crocodilo, viven rodeados de contos e poemas de Gloria Fuertes ata o punto de que ambos cren ser ela. Cada un intenta convencer ao outro do seu erro.

Cos versos e contos da autora e unha magnífica posta en escea, os dous actores crean esta magnífica obra.

Antía, Wamba e o regato pequeno.

Este é o título da obra que vimos hoxe en Afundación de Ferrol.
 Tropa de trapo contounos catro fermosas historias que axudan a reflexionar sobre a solidariedade, e o que podemos aportar uns aos outros.
Con Antía e Wamba rimos, cantamos, aplaudimos,... disfrutamos da maxia do teatro.